لاہور(نیوز ڈیسک)لاہور ہائی کورٹ نے پاکستان فٹ بال فیڈریشن کے 30 جون کے انتخابات کو کالعدم قرار دینے اور ایک ماہ میں دوبارہ انتخابات کرانے کا تحریری فیصلہ جاری کر دیا ہے۔لاہور ہائی کورٹ کے تحریری فیصلے کے مطابق سابق جج اسد منیر کو فٹ بال فیڈریشن کا ایڈمنسٹریٹر مقرر کرتے ہوئے فیڈریشن کو ایک ماہ میں دوبارہ انتخابات کرانے کا حکم دیا ہے۔درخواست گزار ارشد لودھی نے موقف اختیار کیا تھا کہ فیصل صالح حیات گروپ نےعدالتی حکم کی خلاف ورزی کرتے ہوئے 30 جون کو الیکشن کرائے لہذا ان انتخابات کو کالعدم قرار دیا جائے۔