شکاگو (نیوز ڈیسک) امریکہ میں جاری سٹریٹ چائلڈ فٹبال ٹورنامنٹ کے مقابلے جاری ہیں۔ ٹورنامنٹ میں پاکستانی ٹیم تین میچوں میں چھے پوائنٹس حاصل کرسکی ہے اور یوں گروپ میں دوسری پوزیشن پر ہے۔ تفصیلات کے مطابق امریکی ریاست ایلی نوائے کے شہر شکاگو میں کے آئی سی ایس کپ کا انعقاد کیا گیا ہے جس میں فٹ بال کے مقابلوں میں پاکستان کی انڈر16 ٹیم نے اچھی کارکردگی کا مظاہرہ کرتے ہوئے تین میچوں میں سے دو میں کامیابی حاصل کی ہے۔ پاکستانی ٹیم کو اپنے ابتدائی میچ میں کوسٹا ریکا سے صفر کے مقابلے میں تین گول سے شکست کا سامنا کرنا پڑا جبکہ دوسرے میچ میں پاکستانی ٹیم نے ایلی نوائے کے فٹبال کلب مستنگز اور تیسرے میچ میں آر بی یونائیٹڈ کو شکست دی