لاس اینجلس (نیوز ڈیسک) ہالی ووڈ کی خوبصورت ترین جوڑی کہلانے والے ٹام کروز اور کیٹی ہومز جب علیحدہ ہوئے تو ایک دنیا دکھ میں مبتلا ہوئی۔ خود ٹام کیلئے یہ تعلق کس قدر اہمیت کا حامل تھا، اس کا اندازہ اس امر سے لگایا جاسکتا ہے کہ ٹام نے اپنی نئی گرل فرینڈ بھی کیٹی ہومز کی ہم شکل ہی ڈھونڈی ہے۔ دونوں کے بیچ 2012میں علیحدگی ہوگئی تھی۔اب ٹام کے بارے میں معلوم ہوا ہے کہ انہوں نے اپنی برطانوی اسسٹنٹ سے شادی کا فیصلہ کیا ہے اور انہیں وہ عنقریب پروپوز بھی کرنے والے ہیں۔ اس خبر کے منظرعام پر آنے پر جب میڈیا نے خوبرو حسینہ کی تصاویر کھنگالیں تو معلوم ہوا کہ وہ کیٹی ہومز سے حیرت انگیز مماثلت رکھتی ہیں۔ دونوں کے چہرے کی ساخت، حیرت انگیز مماثلت والی ناک، آنکھیں، ہونٹ حتیٰ کہ بھنووں کی ساخت بھی کیٹی ہومز جیسی ہی ہے۔22سالہ ایملی ٹام کے ہمراہ فلموں میں بطور اسسٹنٹ کام کرتی ہیں اور اب ٹام نے ان پر واضح کردیا ہے کہ وہ آئندہ انہیں اپنے ہمراہ تمام فلموں میں دیکھنا چاہتے ہیں۔ ایملی کی جانب ٹام کے جھکاو¿ کے سبب انڈسٹری کی اکثریت جوڑی کی جانب سے اعلان کرنے سے قبل ہی انہیں ذہنی طور پر قبول کرچکی ہے۔ ٹام سچ مچ ان کی محبت میں مبتلا ہیں یا پھر یہ محض ان کا واہمہ ہے اور وہ کیٹی ہومز کی شباہت کے سبب ایملی میں دلچسپی لے رہے ہیں،اس کا فیصلہ تو وقت ہی کرے گا۔