نئی دہلی(این این آئی)بھارتی ریاست تامل ناڈو کے وزیر برائے فشریز نے موزے گیلے نہ ہونے کی انوکھی فرمائش کردی جس کے بعد انہیں وہاں موجود ماہی گیروں نے گود میں اٹھا لیا۔میڈیارپورٹس ک مطابق واقعے کی ویڈیو سوشل میڈیا پر بڑی تعداد میں زیر گردش ہے، جس پر تبصرے کرتے ہوئے وی آئی پی کلچر کیخلاف آواز بلند کررہے ہیں۔بھارتی ریاست تامل ناڈو کے
وزیر فشریز انیتا آر رادھا کرشنن سمندری کٹا کے اثرات کی تحقیقات کے لیے دورے پر تھے۔دلچسپ صورتحال تب پیدا ہوئی جب ساحل پر پہنچنے پر وزیر نے کشتی سے اترنے سے انکار کردیا۔انکار کرنے کی وجہ ان کے مہنگے کپڑے اور جوتوں کا خراب ہونا بتایا جارہا ہے، وزیر کی جانب سے اس خدشے کے اظہار پر وہاں موجود ایک ماہی گیر نے وزیر کو گود میں اٹھا لیا۔
