حافظ آباد،سرگودھا (این این آئی)حافظ آباد میں 7 سال کی گونگی بہری بچی کو مبینہ زیادتی کا نشانہ بنایا گیا۔پولیس کے مطابق حافظ آباد میں 7 سال کی گونگی بہری بچی کو مبینہ زیادتی کا نشانہ بنایا گیا، واقعہ کا مقدمہ درج کرلیا گیا تاہم ملزم کو اب تک گرفتار نہیں کیا جاسکا ہے۔دوسری
جانب کیھوڑہ میں 60 سالہ بیوہ ماں کو تشدد کا نشانہ بنا کر بازوتوڑنے میں ملوث ملزم کو گرفتار کر کے مقدمہ درج کر لیا گیا۔ملزم کامران نے مبینہ طور پر اپنی ماں پر تشدد کیا پولیس نے 60سالہ ماں کی درخواست پر ملزم کامران کو گرفتار کر کے تحفظ والدین آرڈیننس کے تحت مقدمہ درج کر کے تفتیش شروع کر دی۔زرائع کے مطابق کیھوڑہ کے علاقہ اسلام گنج میں نوجوان کامران نے مبینہ طور پر اپنی 60 سالہ بیوہ ماں زرینہ بیگم کو تشدد کا نشانہ بنا ڈالا جس سے اس کا بازو ٹوٹ گیا۔ جس پر خاتون کو نازک حالت میں ہسپتال منتقل کر دیا گیا جبکہ واقعہ پر متاثرہ بیوہ خاتون کے ویڈیو بیان پر فوری ایکشن کرتے ہوئے کیھوڑہ پولیس چوکی نے مبینہ طور پر اپنی حقیقی بیوہ ماں پر تشدد کرنے والے ملزم کامران کو فوری طور پر گرفتار کر لیا اور ملزم کامران کی بیوہ ماں زرینہ بیگم کی درخواست پر تحفظ والدین آرڈیننس کے تحت مقدمہ درج کر کے تفتیش شروع کر دی ہے۔یہاں یہ امر قبل ذکر ہے کہ تحفظ والدین آرڈیننس کے تحت علاقہ میں درج یہ پہلا اور پنجاب کا دوسرا مقدمہ ھے۔یاد رہے کہ تحفظ والدین آرڈیننس بل چندروز قبل منظور ہو کر نافذ العمل ہوا ھے جس کے ذریعے بوڑھے والدین کو قانونی تحفظ فراہم کیا گیا ہے۔
