اسلام آباد (مانیٹرنگ ڈیسک )بری ہوائیں ملک کےبیشترعلاقوں پراثراندازہو رہی ہیں۔کمزور مغربی ہوا ملک کے شمالی حصوں پر موجود ہے۔آج منگل کے روز ملک کے بیشتر میدانی علاقوں میں موسم شدید گرم اور خشک رہےگا۔تاہم بالائی خیبرپختونخوا، کشمیر اورگلگت بلتستان میں
آندھی اور گرج چمک کےساتھ چند مقامات پر مزید بارش کا امکان ظاہر کیا گیا تھا ۔ محکمہ موسمیات کے مطابق جمعرات کے روز ملک کے بیشتر میدانی علاقوں میں موسم شدید گرم اور خشک رہےگا۔تاہم بالائی خیبرپختونخوا، کشمیر اورگلگت بلتستان میں آندھی اور گرج چمک کےساتھ چند مقامات پر مزید بارش کا امکان ہے ۔ جبکہ جمعہ کے روز ز ملک کے بیشترعلاقوں میں موسم گرم اورمرطوب رہے گا جبکہ میدانی علاقوں میں شدید گرم رہے گا۔ تاہم کشمیر اور ملحقہ علاقو ں میں آ ندھی اور گرج چمک کے ساتھ بارش متوقع ہے ۔ رپورٹ کے مطابق ہفتہ کے روز ملک کے بیشترعلاقوں میں موسم گرم اورمرطوب رہے گا۔ تاہم کشمیر، بالائی خیبرپختونخوا اور شمال مشرقی پنجاب میں آندھی اور گرج چمک کے ساتھ بارش کا امکان ہے جبکہ اتوار کے روز ملک کے بیشترعلاقوں میں موسم گرم اورمرطوب رہے گا۔ تاہم گلگت بلتستان،کشمیر، بالائی خیبرپختونخوا اور بالائی پنجاب میں آندھی اور گرج چمک کے ساتھ بارش کا امکان ہے ۔ محکمہ موسمیات کے مطابق آئندہ سوموار کے روز بالائی اور وسطی پنجاب، بالائی خیبرپختونخوا کشمیراورگلگت بلتستان میں گرج چمک کے ساتھ موسلا دھار بارش کا امکان ہے ،ملک کے بیشتر علاقوں میں موسم گرم اور خشک رہے گا۔دوسری جانب ملک بھر میں 11 جولائی سے بارشوں کا امکان ہے۔ بین الاقوامی ماہرین کا کہنا ہے کہ پاکستان اور بھارت میں بارشوں کا آغاز 11جولائی سے ہوسکتا ہے، پاکستان اور بھارت میں مجموعی طور پر بہتر بارشیں متوقع ہیں۔ماہرین کے مطابق خلیج بنگال میں آندرا پردیش یا اوڑیسہ میں 11جولائی کو کم دباؤ بن سکتا ہے۔یہ بھی کہا گیا ہے کہ بھارت اور پاکستان میں جولائی میں معمول کے قریب بارشوں کا امکان ہے۔
