لاہور( این این آئی)نامور رائٹر طارق سہلی کے لکھے ہوئے ڈرامے ”ریٹرن آف نستور” نے بچوں اور بڑوںمیں مقبولیت حاصل کر لی ، مذکورہ ڈرامے میں طارق سہلی کی صاحبزادی اور نستور جن کا کردار ادا کرنے والے شہزاد قیصر کا بیٹا بھی کردار نبھا رہے ہیں ۔ڈرامے کی کاسٹ میں شہزاد قیصر نستور کے کردارمیں،
حسیب پاشا ہامون جادوگر ،مسعود اختر ، تبسم خان ، نایاب ،اریبہ،چائلڈ سٹارایشار فاطمہ،شہزادقیصر کا بیٹا علی اور عمر سمیت دیگر شامل ہیں ۔ڈرامے کی ڈائریکشن اور ایڈیٹنگ کے فرائض سید علی بخاری سر انجام دے رہے ہیں۔ دوسری جانب ماڈل و اداکارہ نادیہ حسین کی نئی ویڈیو سوشل میڈیا پر وائرل ہوئی، وائرل ویڈیو میں دیکھا جاسکتا ہے کہ وہ اپنی نوکرانی کو ڈانٹ رہی ہیں۔تفصیل کے مطابق ماڈل نادیہ حسین کی اپنی نوکرانی کو ڈانٹنے کی ویڈیو سوشل میڈیا پر وائرل ہوچکی ہے،ویڈیو میں نادیہ حسین اپنی نوکرانی کو ڈانٹتے ہوئے دیکھا جاسکتا ہے،اداکارہ نوکرانی کو موبائل استعمال کرنے سے روک رہی، نادیہ حسین نے غصے میں آگ بگولا ہوتے ہوئے کہا کہ بجلی کا بل تم نہیں دیتی ۔اداکارہ نے اپنی ملازمہ کو مزید کھری کھری سناتے ہوئے کہا کہ تم موبائل استعمال کرتی ہو اس سے کوئی نقصان نہ ہوجائے، بجلی کے سوئچ میں کرنٹ آنے پر نوکرانی مین شوئچ کو بند نہیں کرسکی جس پر اداکارہ نے اپنی نوکرانی کی کلاس لی، اداکارہ کی یہ ویڈیو کسی دوسرے ملازم نے بنائی اور سوشل میڈیا پر وائرل کردی،ویڈیو میں دیکھا جاسکتا ہے کہ نادیہ چلا کرکہہ رہی ہیں کہ جب بھی بجلی جھٹکے مارے تم مین سوئچ بند کیاکرو گی۔
