کولمبو(نیوزڈیسک)پاکستان اور سری لنکا کے درمیان ہونے والے چوتھے ون ڈے میچ میں پاکستان کی جانب سے سب سے زیادہ 95رنز اسکور کرنے والے احمد شہزاد کو مین آف دی میچ قراردیا گیا ہے۔احمد شہزاد نے 90 گیندوں پر 95رنز کی اننگز کھیلی۔اس موقع پر احمد شہزاد کا کہنا ہے کہ کوشش تھی کہ ٹیم پلان کےمطابق کھیلوں،کامیابی میں ہر کھلاڑی نے اپنا بھرپور کردار ادا کیا۔قومی ٹیم کے کپتان اظہر علی نے کہا کہ سیریز جیت کر پاکستانی قوم کو عید کا تحفہ دیا ہے، ہمارے لیے ہر میچ اہمیت کا حامل ہے، آخری میچ بھی اسی جذبے سے کھیلیں گے۔ اظہر علی نے مزید کہا کہ دلشن اور تھریمانے کی دوسری وکٹ کی اچھی شراکت سے تھوڑی پریشانی ہوئی۔