حیدرآباد(این این آئی)جمعیت علما پاکستان و ملی یکجہتی کونسل کے صدر ڈاکٹر صاحبزادہ ابوالخیرمحمد زبیر نے کہا ہے کہ فرانس کے صدر میکرون کوفرانس کے جنوب مشرقی علاقہ ڈردم کے دورہ کے دوران ایک شخص نے تھپڑماردیا یہ وہی میکرون ہے جس نے اسلام اور بانی اسلام کی توہین کرنے والوں کی سرپرستی کی تھی آج غیب
سے اس کو اس کی اس حرکت کا بدلہ مل گیا اس سے قبل یہ خبریں بھی آچکی ہیں کہ یورپ میں توہین کرنے والاآگ میں جل چکا ہے پاکستان میں بھی جن حکمرانوں نے ختم نبوت کے قانون میں چھیڑ چھاڑ کی کوشش کی انکو عوام کی طرف سے جوتے پڑچکے ہیں یہ رب کی طرف سے اسلام کے خلاف سازشیں کرنے والوں کو تنبیہ ہے کہ وہ اپنی ان حرکتوں سے باز آجائیں ورنہ مرنے کے بعد عذاب آخرت سے پہلے دنیا میں بھی وہ ذلیل اور رسوا ہونگے اور اللہ کے غضب اور عتاب سے نہیں بچ سکیں گے کینیڈا اور برطانیہ میں مسلمانوں کے ساتھ جو بہیمانہ سلوک کیاگیا جس طرح ان کو گاڑی کے نیچے کچلا گیا ہے وہ اسی اسلام دشمنی کی ایک کڑی ہے جس کا مظاہرہ فلسطین کشمیر روہنگیا اور بھارت میں مسلمانوں کے ساتھ کیا جارہا ہے پاکستان کے حکمران ان واقعات کے خلاف مسلم دنیا کے حکمرانوں سے مشترکہ کاروائی کرنے کا زبانی مطالبے کرتے رہتے ہیں حالانکہ ان کا فرض بنتا ہے کہ وہ اس کیلئے کوئی عملی قدم اٹھائیں اسلامی ممالک کے سربراہان کی نہیں تو کم از کم وزرائے خارجہ کی ایک کانفرنس فوری طلب کریں اوراس کیلئے کوئی متفقہ لائحہ عمل طے کریں تاکہ آئندہ اس قسم کے واقعات کا تدارک کیا جاسکے۔
