لاہور (این این آئی) سوشل میڈیا پر فائرنگ کی ویڈیو اپ لوڈ کرنے پر شہری نے ٹک ٹاک سٹار حریم شاہ کے خلاف اندارج مقدمہ کے لیے تھانہ انارکلی میں درخواست دیدی۔میڈیا رپورٹس کے مطابق معروف ٹک ٹاک سٹار حریم شاہ کے خلاف درخواست چوہدری آصف نواز ایڈووکیٹ کی جانب سے دی گئی ہے۔ درخواست گزار نے موقف اختیار
کیا ہے کہ حریم شاہ نے سوشل میڈیا پر فائرنگ کی ویڈیو اپ لوڈ کی، حریم شاہ کی فائرنگ سے معاشرے میں خوف و ہراس پھیلا،حریم شاہ کی فائرنگ سے کوئی بھی شہری قتل یا زخمی ہو سکتا تھا، حریم شاہ کا عمل غیر قانونی ہے ۔لہذا حریم شاہ کے خلاف مقدمہ درج کر کے قانون کے مطابق سخت کارروائی کی جائے۔دوسری جانب ٹریفک حادثات میں دو موٹر سائیکل سوار جاںبحق اور دو افراد شدیدزخمی ہو گئے جن کو ہسپتال منتقل کر کے پولیس مصروف تفتیش ہے۔ذرائع کے مطابق سرگودھا ریجن کے علاقہ ہڈالی گرلز ہائی سکول کیقریب موٹرسائیکل اور گدھا گاڑی کے تصادم میں موٹر سائیکل سوار45 سالہ محمد حسین جانبحق ہو گیا کو مقامی سیمنٹ فیکٹری میں کام کرتا تھااسی طرح سرگودھا میانوالی روڈ کے قصبہ قائدآباد میں نور پور موڑ کیقریب2 موٹر سائیکلوں کے تصادم موٹر سائیکل سوار عبدالرحیم اورمحمد رمضان ساکنائے شاہ والا شمالی شدید زخمی ہو گے اور اسی روڈ پرجوہرآباد ہسپتال کے قریب ڈمپرنے موٹرسائیکل کوکچل دیا جس کے نتیجہ میںموٹرسائیکل سوار خوشاب کا عمردراز موقع پرجاں بحق ہو گیا جو پینٹرکاکام کرتاتھا اور حسب معمول دوکان پر جاتے ہوئے حادثہ کا شکار ہو کر اپنے خالق حقیقی سے جا ملا۔ان حادثات کے زخمیوں کو ہسپتال منتقل کر کے متوفین کی نعشیں ضروری کارروائی کے بعد ورثاء کے سپرد کر کے پولیس مصروف تفتیش ہے۔
