اسلام آباد،لاہور (این این آئی، آن لائن)وزیراعظم عمران خان کے مشیر داخلہ و احتساب شہزاد اکبر نے راجا ریاض کے الزامات پر ردعمل میں کہا ہے کہ احتساب پاکستان تحریک انصاف کا اہم جْز ہے۔ اپنے بیان میں شہزاد اکبر نے کہاکہ احتساب اگر سب کے لیے نہیں ہو تو اس کا کوئی فائدہ نہیں ہے۔مشیر احتساب شہزاد اکبر نے کہا کہ پوچھے گئے

سوالات کا جواب مجھ پر الزامات لگانا نہیں ہے۔ انہوںنے کہاکہ شہزاداکبرنہ بھی ہو تو تحقیقاتی ادارے اپناکام اسی طرح قانون کے مطابق آزادانہ کرتے رہیں گے۔خیال رہے کہ تحریک انصاف کے جہانگیر ترین ہم خیال گروپ کے رہنما راجا ریاض کا کہنا تھا کہ عمران خان سازشی لوگوں سے بچیں ، جو غلط فہمیاں پیداکر رہے ہیں۔انہوںنے کہا تھاکہ شہزاد اکبر پتا نہیں کہاں سے کیوں اورکیسے آئے؟ یہ سب وہ کر رہے ہیں، شہزاد اکبر کی آج تک کی کارکردگی صفربٹا صفر بٹاصفرہے۔دوسری جانب وزیرجیل خانہ جات پنجاب فیاض الحسن چوہان نے کہا ہے کہ علیحدہ گروپ بناناپارٹی ڈسپلن کیخلاف ہے،جہانگیرترین کواب اس بات کا فیصلہ کرلیناچاہیے وہ پارٹی میں رہناچاہتے ہیں یانہیں رہنا چاہتے۔ صوبائی وزیر فیاض الحسن چوہان کا کہنا تھا کہ جہانگیرترین سے ایک اچھاتعلق ہے مگرگروپ بنانے کے معاملے پران سے سے اختلاف کروں گا،14سال مجھے پارٹی میں ہوچکے ہیں میرے ساتھ بھی کئی بارزیادتی ہوئی مگرمیں نے خاموشی اختیارکی اورسرخروہوا۔ان کا کہنا تھا کہ میں سمجھتاہوں سیاسی بلیک میلنگ مناسب نہیں عمران خان بلیک میلنگ میں نہیں آئیں گے،جن کے ذاتی معاملات بھی تھے وہ بھی جہانگیرترین کیساتھ مل گئے ہیں۔ انہوں نے مزید کہا کہ پنجاب میں پی ٹی آئی حکومت موجودہے اورآئندہ 2سا ل بھی رہے گی،فنانس بل میں یہ لوگ بھی ہمارے ساتھ ہوں گے،مجھے پتہ ہے فا روڈ بلاک میں موجو د لوگ کوئی غلطی نہیں کریں گے