اسلام آباد (مانیٹرنگ ڈیسک ) معروف اداکارہ عفت عمر نے انٹرویو کے دوران انکشاف کیا ہے کہ انہوں نے اس حکومت سے زیادہ مزاحیہ حکومت میں نے آج تک نہیں دیکھی۔وائس آف امریکا کو دیئے گئے انٹرویو میں انکا کہنا تھا کہ میرے نزدیک اس حکومت سے زیادہ مزاحیہ حکومت انہوں نے آج تک نہیں دیکھی، میں کسی زمانے میں خود عمران خان صاحب کے چاہنے والوں میں شامل تھی
لیکن ان کی حکومت نے مجھے بھی بہت ناامید کیا ہے ، انکا کہنا تھا کہ پاکستان میں اصلی جمہوریت ابھی تک نہیں آئی اور جب تک جمہوریت نہیں آئے گی ہمارا ملک صحیح طریقے سے نہیں چل سکتا۔ ان کے مطابق انہیں پہلے سیاست میں اتنی دلچسپی نہیں ہوتی تھی مگر اب سیاست میں دلچسپی وزیراعظم عمران خان کی وجہ سے ہے۔ایک سوال کے جواب میں انکا کہنا تھا کہ کیونکہ میرا ماننا ہے آپ جتنے اونچے عہدے پر ہوتے ہو آپ کو تنقید بھی برداشت کرنا پڑتی ہے۔کہیں نہ کہیں تو پریشر برداشت کرنا پڑتا ہے، بہت سے لوگوں نے ڈرانے کی کوشش کی مگر اتنے پریشر کا سامنا تو کرنا پڑا۔عفت عمر کا ایک سوال کے جواب میں کہنا تھا کہ معاشرے میں ہر طرح کے لوگ ہوتے ہیں اگر آپ کوئی منفی کردار ادا کرتے ہیں تو آپ کو کسی کو بھی کوئی صفائی دینے کی ضرورت نہیں ہوتی۔ سنسر کے بارے میں پوچھنے پر اداکارہ نے کہا میں سنسر کے خلاف ہوں آپ عمر کی حد مقرر کر کے پروگرام کو نشر کر سکتے ہیں مگر آج کل کے زمانے میں سنسر نہیں کیا جاسکتا۔
