واشنگٹن(این این آئی، آن لائن) امریکی صدر جوبائیڈن نے کہاہے کہ امریکا ایک بار پھر دنیا کی قیادت کے لیے تیار ہے۔ چین کے ساتھ تصادم اور روس سے کشیدگی بڑھانا نہیں چاہتے، امریکا پھر سے آگے بڑھ رہا ہے اور دنیا کی قیادت کے لیے تیارہے۔ 16 برس سے بڑی عمرکا ہر

امریکی اس وقت ویکسین لگواسکتا ہے۔غیرملکی خبررساں ادارے کے مطابق کانگریس کے مشترکہ اجلاس سے پہلے خطاب کرتے ہوئے جوبائیڈن نے کہا کہ افغانستان سے فوج واپس بلانے کا یہی وقت ہے، ہمیں پاکستان اور افغانستان ک درمیان اعتماد بحال کرنا ہے۔انہوں نے کہاکہ چین کے ساتھ تصادم اور روس سے کشیدگی بڑھانا نہیں چاہتے، امریکا پھر سے آگے بڑھ رہا ہے اور دنیا کی قیادت کے لیے تیارہے۔امریکی صدر کا کہنا تھا کہ 16 برس سے بڑی عمرکا ہر امریکی اس وقت ویکسین لگواسکتا ہے۔ انہوں نے مزیدکہا کہ امریکا کو بین الاقوامی سطح پر اپنے قائدانہ کردار کے دفاع کے لیے اب بنیادی ڈھانچے، اور تعلیم و تحقیق میں دوبارہ بہت زیادہ سرمایہ کاری کرنے کی ضرورت ہے۔ صدر نے اپنے خطاب میں کورونا وائرس کی وبا کے خلاف امریکی کامیابیوں کا ذکر بھی کیا۔ بائیڈن کے اقتدار سنبھالنے کے بعد سے اب تک امریکی شہریوں کو کورونا ویکسین کے دو سو بیس ملین ٹیکے لگائے جا چکے ہیں۔اس موقع پر امریکی صدر نے عوام کے لیے لاکھوں نوکریاں بھی پیدا کرنے کا اعلان کیا۔