اسلام آباد (این این آئی)کورونا کے خلاف جنگ، جاپان نے پاکستان کے ذمہ واجب الادا 370 ملین امریکی ڈالرز کے قرضے کی واپسی ملتوی کردئیے۔جاپانی سفارتخانہ اسلام آبادکے مطابق جاپان اور پاکستان نے پاکستان میں کورونا کے خلاف جنگ میں مالی گنجائش پیدا کرنے کے لیے پاکستان کے قرضے ملتوی کرنے پر اتفاق کر لیااس حوالے سے عملدرآمد نوٹ پر جاپانی

سفیر مٹسوداکونی نوری  اور سیکرٹری وزارت اقتصادی امورنور احمد نے دستخط کیے۔ بیان کے مطابق پاکستان اور جاپان کے درمیان اتفاق رائے اپریل 2020میں ہونے والے جی 20 ڈیٹ سروس سسپینشن انیشیٹوو کے تحت کیا گیا۔ اعلامیہ کے مطابق اس حوالے سے پاکستان اور قرضے فراہم کرنے والے ممالک کے مابین جون 2020 کا مفاہمتی یاداشت پر بھی دستخط ہوئے تھے،ادائیگیاں ملتوی کیے جانے والے آسان قرضے 1990 سے وسط 2010 تک پاکستان کو فراہم کئے گئے،ان آسان قرضے ترقیاتی ڈھانچوں بشمول شاہراہوں،سرنگوں،  پاور پلانٹس،گرڈ،آبپاشی، پانی کی فراہمی اور نکاسی آب کے منصوبوں پر فراہم کئے گئے ،ان آسان قرضوں میں پاکستان کو کم شرح سود,  طویل دورانیہ واپسی اور دوبارہ ادائیگیوں کی موزوں شرائط فراہم کی گئیں تھیں۔ جاپانی سفیر نے کہاکہ افغانستان میں استحکام کے بعد ایسے منصوبے،پاکستان، افغانستان اور وسطی ایشیا کی باہم منسلکی کا حصہ ہوں گے،اس معاہدے کے مطابق یکم مئی 2020 اور31 دسمبر 2020 سے واجب الادا قرضوں و سود کی ادائیگی کو 15 جون 2022 کے بعد ری شیڈیول کیا جائیگا۔ سفارتخانے کے مطابق کورونا وباء سے جنم لینے والا اقتصادی جھٹکا عالمی سطح پر جاری ہے،جاپان نے پاکستان کو کورونا کے خاتمے کے لیے براہ راست 9.5 ملین امریکی ڈالرز اور 7.41 ملین کثیر جہتی سپورٹ فراہم کی ہے۔