اسلام آباد(نیوز ڈیسک) ایم کیو ایم کے اراکین نے عمران خان کے خلاف مذمتی قررداد سندھ اسمبلی میں جمع کرا دی۔ قرارداد میں کہا گیا ہے کہ عمران خان پی ٹی وی پر حملے میں ملوث ہیں ان پر غداری کا مقدمہ چلایا جائے۔ تفصیلات کے مطابق تحریک انصاف نے ایم کیو ایم کے قائد الطاف حسین کے خلاف اشتعال انگیز تقریر کے بعد گزشتہ روز پنجاب اسمبلی میں مذمتی قرار داد جمع کرائی تو آج ایم کیو ایم بھی کمر ٹھونک کر میدان میں آ گئی۔ تحریک انصاف کے شکوہ کے جواب میں ایم کیو ایم بھی جواب شکوہ لے آئی اور ایم کیو ایم کے اراکین افتخار احمد ، محمد حسین اور معیز پیر زادہ نے سندھ اسمبلی میں کپتان کے خلاف مذمتی قرارداد جمع کرا دی۔
مزیدپڑھیے:نادرا نے ڈپلی کیٹ گرین شناختی کارڈ کی فیس میں 5 گنا اضافہ کر دیا
قرارداد جمع کرانے کے بعد ایم کیو ایم کے رکن محمد حسین کپتان پر گرجتے برستے رہے۔ محمد حسین نے میڈیا سے بات کرتے ہوئے کہا عمران خان نے پرائیویٹ محفل میں پاک فوج کے بارے میں غلط زبان استعمال کی۔ محمد حسین نے کہا عمران خان کی آرٹیکل 62 63 کے تحت پارلیمنٹ کی رکنیت ختم کی جائے۔