اسلام آباد(مانیٹرنگ ڈیسک)پاکستان کے سابق ٹیسٹ کرکٹر مرحوم عبدالقادر کو یوم پاکستان کی تقریب کے موقع پر ستارہ امتیاز سے نوازا گیا۔تفصیلات کے مطابق حکومت پاکستان نے مرحوم عبدالقادر کو بعداز وفات ستارہ امتیاز سے نوازا ، گورنر ہائوس پنجاب میں ان کی اہلیہ

نے ستارہ امتیاز وصول کیا جس میں حکومت کی جانب سے ایک خط، میڈل اور ایک ہزار روپے تھے۔مرحوم کو ستارہ امتیاز ملنے پر ان کے بیٹوں نے حکومت پاکستان کا شکریہ بھی ادا کیا۔ صدر پاکستان عارف علوی نے 14 اگست 2020 کو لیجنڈ اسپنر مرحوم عبدالقادر کے لئے ستارہ امتیاز کا اعلان کیا تھا۔ستارہ امتیاز میں دیئے جانے والی رقم کے حوالے سے سوشل میڈیا صارفین نے حکومت کو تنقید کا نشانہ بنایا ہے۔ایک صارف نے اپنی ٹویٹ میں لکھا جب یہ ایوارڈ دینے لگتے کیا گورنر اتنی بھی جسارت نہیں کرتے کہ پوچھ ہی لیں کہ اس میں کیا کیا دیا جا رہا ہے؟ ایک لیجنڈ کو اس کے مرنے کے بعد ایوارڈ دے رہے اور وہ بھی ہزار روپے۔ بندہ کچھ تو۔ایک اور صارف نے کہا کہ لیجنڈری عبدالقادر کو صدر پاکستان نے نشان امتیاز  دینے کا اعلان کیا ،جب گورنر ہائوس سے ایوارڈ وصول کیا تو ایوارڈ کے ساتھ ایک لفافہ بھی تھا، جب گھر آ کر لفافہ کھولا تو اس میں پورے 1000 روپے تھے 100 کے دس نئے نکور نوٹ تھے۔۔ شرم نہیں آئی صدر مملکت کو یہ پیسے دیتے ہوئے۔یاد رہے کہ عبدالقادر ستمبر 2019 میں اپنے آبائی شہر لاہور میں اچانک دل کا دورہ پڑنے کی وجہ سے چل بسے تھے۔

Sitara-e-Imtiaz which was awarded recently to the late Abdul Qadir. The award to the legendary leg-spinner for his services to cricket, was a letter, the medal and 1000 Rupees #Cricket pic.twitter.com/BycwNcBr6P

— Saj Sadiq (@Saj_PakPassion) April 3, 2021