مکہ مکرمہ (این این آئی)خانہ کعبہ کے محافظ اور 109ویں کلید بردار ڈاکٹر صالح بن زین العابدین انتقال کرگئے۔میڈیا رپورٹ کے مطابق کلید بردار کعبہ شریف شیخ صالح بن زین العابدین الشعیبی کافی عرصے سے علیل تھے، وہ خانہ کعبہ کے 109ویں کلید بردار تھے۔سعودی فرمانروا شاہ سلمان بن عبدالعزیز اور ولی عہد محمد بن سلمان نے ڈاکٹر صالح بن زین العابدین کے انتقال پر افسوس کا اظہار کیا۔
یاد رہے کہ خانہ کعبہ کے کلید بردار شیخ عبد الرحمن بن صالح زین العابدین ال شیبی نے گزشتہ سال نومبر میں 6 روزہ دورے پر پاکستان آئے تھے، اس دوران انہوں نے اعلی قیادت سے ملاقاتیں کی تھیں۔ اس وقت کے نگران وفاقی وزیر داخلہ سرفراز احمد بگٹی، وفاقی وزیر تعلیم مدد علی سندھی، معاون خصوصی علامہ طاہر اشرفی اور سعودی سفیر نواف بن سعید المالی نے ایئرپورٹ پر امام کعبہ کا استقبال کیا تھا۔واضح رہے کہ سدانہ کعبہ کا شرف صدیوں سے الشیبی خاندان کے پاس چلا آرہا ہے، الشیخ ڈاکٹر صالح زین العابدین الشیبی بیت اللہ کے 109 ویں سادن تھے۔
