لاہور(نیوزڈیسک)گورنر اسٹیٹ بینک اشرف محمود وتھرا نے واضح کیا ہے کہ نئے کرنسی نوٹ بلیک کرنے والوں کا اسٹیٹ بینک سے کوئی تعلق نہیں ،کرنسی نوٹ بلیک کرنے والوں کو گرفتار کرنا پولیس کی ذمہ داری ہے ۔ گزشتہ روز لاہور سے کراچی روانگی کے موقع پر ائیرپورٹ پر میڈیا سے گفتگو کرتے ہوئے گورنر اسٹیٹ بینک نے کہا کہ نئے کرنسی نوٹ بلیک کرنے والوں کا اسٹیٹ بینک سے کوئی تعلق نہیں۔ نئے کرنسی نوٹ بلیک کرنے والوں کو گرفتار کرنا پولیس کی ذمہ داری ہے ،اسٹیٹ بینک اس حوالے سے کوئی کارروائی نہیں کر سکتا۔