راولپنڈی (نیوز ڈیسک)وفاق ایوان ہائے صنعت وتجارت سمیت تمام چیمبرز آف کامرس اور سٹاک ایکسچینجز،گارنٹیز لمیٹڈ عید الفطر پر 17جولائی سے 21 جولائی تک پانچ روز بند رہیں گی۔وفاق ایوان ہائے صنعت وتجارت پاکستان کے ترجمان کے مطابق وفاقی حکومت نے عید الفطر پر پانچ تعطیلات کااعلان کیا ہے جس کے باعث ملک بھر کے چیمبرز آف کامرس اینڈانڈسٹریز بھی ان ایام میں بند رہیں گے ۔دوسری جانب سٹاک ایکسچینج گارنٹیز لمیٹڈ کے ذرائع کے مطابق وفاقی حکومت کے احکامات کی روشنی میں ملک بھر کی سٹاک ایکسچینجز بھی عیدالفطر پر پانچ روز بند رہیں گی جس کے باعث حصص کے لین دین کاکوئی کاروبار نہ ہوگا۔