ٹوکیو (نیوز ڈیسک) ایشیائی کرنسی مارکیٹ میں کاروباری ہفتے کے دوسرے روز منگل کو ڈالر کی شرح تبادلہ میں اضافہ دیکھا گیا ۔ ٹوکیو تجارتی منڈی میں یورو کے مقابلے میں ڈالر کی شرح تبادلہ گزشتہ روز کی شرح 1.1004ڈالر فی یورو سے بڑھ کر 1.0986 ڈالر فی یورو ہوگئی جبکہ ین کے مقابلے میں ڈالر کی شرح تبادلہ 123.59 ین فی ڈالر ریکارڈ کی گئی جو کہ گزشتہ روز کاروباری سرگرمیوں کے اختتام پر 123.45ین فی ڈالر تھی۔ ین کے مقابلے میں یورو دباﺅ کا شکار رہا اور یورو کی شرح تبادلہ 135.84 ین فی یورو سے کم ہو کر 135.74 ین فی یورو ہوگئی۔