پالی کیلے(نیوز ڈیسک) پاکستان اور سری لنکا کی ٹیمیں دوسرے ون ڈے میچ میں کل مدمقابل ہوں گی، پانچ میچز کی سیریز میں پاکستان کو برتری حاصل ہے، پہلے میچ میں پاکستان نے محمد حفیظ کی شاندار آل راو¿نڈ کارکردگی کی بدولت فتح حاصل کی تھی۔ گرین شرٹس دوسرا میچ بھی جیت کر واضح برتری کے لئے بے تاب ہیں۔ پہلے ون ڈے میں پاکستانی شاہینوں نے چھے وکٹوں سے کامیابی حاصل کی، 256 رنز کا ہدف 46ویں اوور میں ہی حاصل کر لیا۔ محمد حفیظ نے بہترین باو¿لنگ کرتے ہوئے چار وکٹیں حاصل کیں اور پھر سنچری بھی بنائی، وہ یہ کارنامہ سر انجام دینے والے پہلے پاکستانی بنے۔ میچ پالی کیلے میں پاکستانی وقت کے مطابق دن دو بجے شروع ہو گا، پالی کیلے میں دونوں ٹیموں کے درمیان ٹیسٹ سیریز کا آخری میچ بھی کھیلا گیا، پاکستان نے یہ میچ سات وکٹوں سے جیت کر سیریز اپنے نام کی تھی۔