کراچی (نیوزڈیسک) دنیا کی چوتھی بڑی اوربااثر سمارٹ فون کمپنی ہواوے نے 2015 کے دوران 100ملین سمارٹ فون فروخت کرنے کی منصوبہ بندی کرلی ہے ۔ 2015 کی پہلی سہ ماہی میں ہواوے نے 17.5 ملین سمارٹ فونز فروخت کئے جبکہ رواں سال کیلئے شپمنٹ ٹارگٹ ایک ملین یونٹس مقررکی گئی ہے۔ 2014 میں Huawei کے سمارٹ فونز کی مجموعی شپمنٹ 45 فیصد کے اضافے کے ساتھ 75 ملین یونٹس تک پہنچ گئی تھی۔ہواوے نے 2014 میں 12.2 ملین امریکی ڈالرکا ٹرن اوورحاصل کیا تھا جو گزشتہ سال کے مقابلے میں 30 فیصد اضافہ کی نمائندگی کرتا ہے ۔اسی عرصہ کے دوران دنیا بھر میں یونٹس کی مارکیٹنگ بھی45 فیصد اضافہ کے ساتھ 75 ملین تک پہنچی تھی۔ہواوے ڈیوائسز پاکستان کے ڈائریکٹر مارکیٹنگ Fanhong Bruce کا کہنا ہے کہ ہواوے کوکسی دوسری کمپنی سے حسد کرنے کی ضرورت نہیں کیونکہ اس کے پاس موبائل کے شعبے میں سب سے زیادہ مارکیٹ کی ترقی کی شرح حاصل کرنے کی صلاحیت موجودہے۔انھوں نے کہا کہ ہم صرف عام مسائل کو ہی حل نہیں کرتے بلکہ بنیادی ڈھانچے کے سامان کے بارے میں بھی سوچتے ہیں اور ہمارے پاس اس صنعت میں پیش کرنے کے لئے بہت کچھ ہے ۔انھوں نے کہا کہ تحقیق، ایجادات اور مارکیٹ سیگمنٹیشن کسی بھی مارکیٹ میں پاﺅں جمانے کےلئے ہمیشہ Huawei کی حکمت عملی رہے ہیں۔