بنگلور(نیوز ڈیسک)نیوزی لینڈ کی خواتین کرکٹ ٹیم نے دوسرے ٹی ٹونٹی انٹرنیشنل میں بھارت کو 6 وکٹوں سے شکست دے کر تین میچوں کی سیریز میں 2-0 کی فیصلہ کن برتری حاصل کر لی۔مہمان ٹیم کی طرف سے دیا گیا 137 رنز کا ہدف 18 ویں اوور میں 4 وکٹوں کے نقصان پر پورا کر لیا گیا ۔ بنگلور میں کھیلے گئے سیریز کے دوسرے ٹی ٹونٹی میچ میں بھارت ویمن نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 136 رنز بنائے۔ ویلاسوامی 41 اور پرمنپریت 30 رنز کے ساتھ نمایاں رہیں۔ صوفی ڈیوائن نے دو وکٹیں حاصل کیں۔ جواب میں نیوزی لینڈ ویمن نے ہدف 17.5 اوورز میں 4 وکٹوں کے نقصان پر حاصل کر لیا۔ ریشل پریسٹ کو60 رنز کی شاندار اننگز کھیلنے پر میچ کی بہترین کھلاڑی قرار دیا گیا۔