لاہور(این این آئی) مسلم لیگ (ن) پنجاب کے صدررانا ثناء اللہ نے کہا ہے کہ ضمنی الیکشن میں ووٹ چور رنگے ہاتھوں پکڑے جا چکے ہیں انکو سزا ملنی چاہیے ،پاکستان میں ووٹ چوری کا عمل ہمیشہ کے لیے رکنا چاہیے ،چور اور چور کی ماں کو مارنا چاہیے تاکہ آئندہ چور پیدا نہ ہو ۔ان خیالات کااظہارراناثناء اللہ نے لاہور ہائیکورٹ میں میڈیا سے گفتگو کرتے ہوئے کیا ۔ رانا ثناء اللہ نے کہاکہ مسلم لیگ (ن) نے ہائیکورٹ بار ایسوسی ایشن کے انتخابات کے لیے اینڈیپینڈنٹ گروپ کو سپورٹ کیا ہے،امید ہے ہمارے جیتنے والے امیدوار ووٹ کو عزت دو بیانیے کو آگے بڑھائیں
گے۔انہوںنے کہاکہ حمزہ شہباز لمبی قید کاٹنے کے بعد رہا ہوئے ہیں،حمزہ شہباز کے خلاف نیب گردی ہوئی ،عدالت کے مشکور ہیں انہوں نے ضمانت منظور کی،حمزہ شہباز (ن) لیگ کی جمہوری جدوجہد کا حصہ بنیں گے ۔انہوںنے کہاکہ ضمنی الیکشن میں ووٹ چور رنگے ہاتھوں پکڑے جا چکے ہیں ۔ووٹ چوری کرنے والے لوگ پکڑے جا چکے ہیں انکو سزا ملنی چاہیے ۔پاکستان میں ووٹ چوری کا عمل ہمیشہ کے لیے رکنا چاہیے ۔چور اور چور کی ماں کو مارنا چاہیے تاکہ آئندہ چور پیدا نہ ہو ۔ڈسکہ شہر میں منظم طریقے سے ہمارے ووٹ کاسٹ نہیں ہونے دیے گئے۔
