کراچی(نیوزڈیسک)بلاول زرداری نے آخر کار بڑے معاملات میں براہ راست میں قدم رکھ ہی لیا ۔جلد ہی پیپلزپارٹی کے کسی رکن اسمبلی سے استعفیٰ لیکر ان کو قومی اسمبلی کا ممبر بنانے کی تیاریاں شروع ہوچکی ہیں۔وزیراعلیٰ ہاو¿س کراچی میں صوبائی اپیکس کمیٹی کے اجلاس سے قبل بلاول بھٹو زرداری اور کور کمانڈر کراچی لیفٹیننٹ جنرل نوید مختار کے درمیان ہونے والی ملاقات میں ڈی جی رینجرز سندھ میجر جنرل بلال اکبر، گورنر سندھ ڈاکٹر عشرت العباد خان اور وزیراعلیٰ قائم علی شاہ بھی شریک تھے، اس موقع پر چئیرمین پیپلز پارٹی نے یقین دہانی کرائی کہ دہشتگردوں ، کرپشن اور لینڈ مافیا کے خلاف کارروائی میں بھرپور ساتھ دیں گے، انہوں نے کہا کہ دہشتگردوں کو جڑ سے اکھاڑ پھینکیں گے۔ پیپلز پارٹی کی اعلیٰ قیادت نے دہشتگردی کے خلاف جانیں دیں ، امن و امان برقرار رکھنے کے لیے ساتھ دیں گے ، ذرائع کے مطابق ملاقات کے دوران کراچی میں امن وامان کی موجودہ صورتحال اور رینجرز کے ٹارگٹڈ آپریشن پر تفصیلی تبادلہ خیال کیا گیا-