لاہور( این این آئی)وفاقی وزیر برائے سائنس و ٹیکنالوجی فواد چوہدری کی اہلیہ حبا فواد نے اپنی فیشن برانڈ ’’’نسا حسین‘‘ لانچ کر دی۔فواد چوہدری کی اہلیہ حبا فواد نے اپنی برانڈ حال ہی میں منعقد ہونے والے برائیڈل کوٹیور ویک 2021 میں لانچ کی ہے

جس میں انہوں نے عروسی ملبوسات کی نمائش کی۔فواد چوہدری کی اہلیہ کی برانڈ ’’نسا حسین‘‘کی شو زٹاپر اداکارہ حریم فاروقی اور ریشم تھیں جنہوں نے ان کی کلیکشن کا خوبصورت عروسی جوڑا پہن رکھا تھا۔’’نسا حسین ‘‘کی کریٹو ڈائریکٹر حبا فواد کا کہنا ہے کہ پاکستان کی فیشن انڈسٹری نے پوری دنیا میں ایک قابل ذکر مقام حاصل کیا ہے اور دنیا بھر میں ہمارے عروسی جوڑوں کو بہترین لباس میں شمار کیا جاتا ہے۔نجی ٹی وی کے مطابق دوسری جانب جب وفاقی وزیر فواد چوہدری سے پوچھا گیا کہ وہ کب اپنی مینز ویئر لائن لانچ کریں گے تو انہوں نے کہا کہ ان کا شعبہ سیاست ہے لہٰذاہمیں جلد کسی سے توقع نہیں کرنی چاہیے۔