لاہو ر(این این آئی) صوبائی وزیر جیل خانہ جات فیاض الحسن چوہان نے کہا ہے کہ ہر بار کی طرح اس بار بھی ن لیگی رہنماں کو انگریزی سمجھ نہ آئی، ڈیلی میل کے خلاف ہتک عزت کے دعوے کی پہلی پیشی پر ہی ن لیگی ترجمانوں نے شہباز شریف کی بے گناہی کا ڈھنڈورا پیٹنا شروع کردیا۔صوبائی وزیر جیل خانہ جات فیاض الحسن چوہان نے کہا ہے کہ ڈیلی میل کے خلاف ہتک عزت کے دعوے کی پہلی پیشی پر فتح کے اعلان کرنے پر لیگی ترجمانوں کو اکیس توپوں کی سلامی ہے۔ ن لیگی
ترجمانوں نے ابتدائی مرحلے پر ہی شہباز شریف کی بے گناہی کا ڈھنڈورا پیٹنا شروع کر دیا۔ برطانوی جج کے بیانات کو توڑ مروڑ کر پیش کرنے سے منی لانڈرنگ کے داغ دھل نہیں جائیں گے۔فیاض الحسن چوہان نے کہا کہ بہتر ہو گا آل شریف سمیت ساری ن لیگ اپنے دعوے کی حمایت میں ثبوت اکٹھے کرے،جیت کے کھوکھلے دعووں اور بیانات سے لندن تو کیا پاکستانی عوام بھی بے وقوف نہیں بنے گی،لیگی ترجمان ٹبر چوراں دا کی صفائیاں دینے میں مبالغہ آرائی سے گریز کریں۔
