اسلام آباد(نیوز ڈیسک)ایم ڈی یوٹیلٹی ا سٹورز کارپوریشن سلطان محمود نے کہا ہے کہ رمضان المبارک میں اب تک صارفین کو 90کروڑ روپے سے زائد کی سبسڈی فراہم کی جا چکی ہے ، ملک بھر کے 6ہزار یوٹیلٹی اسٹورز پر اشیاءکے معیار پر کوئی سمجھوتہ نہیں کیا جا رہا۔ ایم ڈی یوٹیلٹی اسٹوز کارپوریشن سلطان محمود نے کہا کہ ملک بھر کے یوٹیلیٹی اسٹورز پر اشیاءخورد نوش کی بر وقت فراہمی یقینی بنا ئی جا رہی ہے ، رمضان المبارک میں اب تک یوٹیلٹی اسٹورز کی سیل 8ارب روپے رہی۔ ان کا کہنا تھا کہ یوٹیلٹی اسٹورز پر اشیاءکا معیار عام مارکیٹ جیسا ہی ہے تاہم قیمتیں کم ہیں۔