اسلام آباد (این این آئی)حکومت کا گھوسٹ پنشنروں کو ختم کرنے کا منصوبہ ،پینشنرز کو پینشن کی رقم کے حصول کیلئے سال میں دو مرتبہ بائیو میٹرک تصدیق سے گزرنا پڑے گا، وزرات خزانہ نے فیڈرل ٹریژری قواعد میں تبدیلی کردی۔ دستاویز کے مطابق ہر سال مارچ اور
اکتوبر میں پینشنرز نادرا سسٹم پر بائیو میٹرک تصدیق فراہم کرنے کے پابند ہونگے، اگر کوئی پنشنر بیمار یا چلنے پھرنے کے قابل نہ ہو تو اسے اپنے دستخط سے سرٹیفکیٹ فراہم کرنا ہوگا،سرٹیفکیٹ کے ساتھ حاضری سے استثنیٰ کی درخواست بھی فراہم کرنا ہوگی۔دستاویز کے مطابق پنشن دینے والا افسر بائیو میٹرک تصدیق یا پینشنر کے زندہ ہونے کے ثبوت پر پنشن جاری کرنے کا مجاز ہوگا،چھ ماہ تک ڈرائنگ پنشن سرٹیفکیٹ یا بائیو میٹرک تصدیق فراہم نہ کرنے والے پینشنرز کا اکاؤنٹ غیر فعال کردیا جائیگا، وزارت خزانہ پر آئی ایم ایف کا شدید دباؤ ہے کہ سرکاری پنشن طریقہ کار کو تبدیل کیا جائے۔ زرائع ذرائع کے مطابق پنشن سرکاری خزانے کی بجائے سٹاک مارکیٹ فنڈز کے حوالے کرنے کی تجویز پر غور کیا جا رہا ہے ۔
