لاہور(نیوز ڈیسک) پالی کیلے ٹیسٹ میں قومی ٹیم نے سری لنکنز کیخلاف فتح کے ذریعے ٹیسٹ سیریز دو ایک سے اپنے نام کی تھی۔ اس میچ میں پاکستان کی حریف سری لنکن ٹیم میں واحد فرق سینیئر بلے باز کمارا سنگاکارا کی غیر موجودگی تھی۔ سنگاکارااب کرکٹ سے ریٹائرمنٹ لینے کے قریب ہیں اور انہوں نے متبادل ذرائع سے آمدنی کے حصول کے چکر میں کاو¿نٹی کرکٹ میں اپنا کیریئر بنانے کیلئے ہاتھ پاو¿ں مارنا شروع کررکھے ہیں۔ پالی کیلے ٹیسٹ میں عدم شرکت کی بھی بڑی وجہ یہی تھی کہ سنگاکارا کاو¿نٹی ٹیم کو جوائن کرنا چاہتے تھے۔سنگاکارا کا یہ فیصلہ سری لنکن بورڈ نے تو قبول کرلیا تاہم کرکٹ کے سینیئرز کو ان کا یہ فیصلہ ہضم نہیں ہورہا ہے۔ سابق آسٹریلوی کرکٹر ڈین جونز کہتے ہیں کہ کمارا سنگاکارا دولت کی خاطر کاو¿نٹی کھیلنا چاہتے ہیں تاہم انہیں یاد رکھنا چاہئے کہ ملکی وقار دولت سے بڑھ کے ہوتا ہے۔ انہوں نے کہا کہ اگر کوئی کھلاڑی کرکٹ آسٹریلیا سے کہتا کہ وہ قومی ذمہ داریوں کو نظرانداز کرتے ہوئے ذاتی فائدے کو ترجیح دینا چاہتا ہے تو کرکٹ بورڈ اسے کہتا ہے کہ وہ کرکٹ کھیلنا چھوڑ دے اور جاکے پتنگ بازی کرے