اسلام آباد ( آن لائن، این این آئی )وفاقی وزیر برائے منصوبہ بندی اسد عمر نے دعویٰ کیا ہے کہ رواں برس فروری مارچ تک ایک دو نہیں 3 کورونا ویکسین آ جائیں گی۔ نجی ٹی وی سے گفتگو کرتے ہوئے اسد عمر کا کہنا تھا حکومت نے آکسفورڈ یونیورسٹی کی AstraZeneca
ویکسین کی منظوری دے دی ہے۔ وفاقی وزیر نے مزید کہا کہ فروری مارچ تک ایک دو نہیں بلکہ کورونا کی تین ویکسین پاکستان آ جائیں گی اور لگنا بھی شروع ہو جائے گی۔ان کا کہنا تھا کہ سب سے پہلے ویکسین لگانے کے لیے 3 لاکھ ہیلتھ ورکرز کی رجسٹریشن بھی کر لی گئی ہے، ویکسین عمر رسیدہ افراد کے لیے بھی دستیاب ہو گی ، دوسری جانب ملک بھر میں گزشتہ چوبیس گھنٹوں میں کرونا وائرس سے مزید 43افراد جاں بحق ،مزید 2521مثبت کیسز رپورٹ ہوئے ۔ اتوار کو نیشنل کمانڈ اینڈ آپریشن سینٹرنے کورونا وائرس کے تازہ ترین اودادوشمار جاری کر دئیے جس کے مطابق 24 گھنٹوں کے دوران ملک بھر میں کورونا وائرس سے 43 افراد جاں بحق ہوئے ،ملک بھر میں 24 گھنٹوں کے دوران 2521 مثبت کیس رپورٹ ہوئے ۔ این سی اوسی کے مطابق ملک بھر میں اب تک 10 ہزار 951 اموات ہوئیں، گزشتہ 24 گھنٹوں کے دوران 41 ہزار 191 کورونا ٹیسٹ کیے گئے ۔این سی او سی کے مطابق ملک بھر میں فعال کیسوں کی تعداد
34 ہزار 701 ہے، ملک بھر میں اب تک 73 لاکھ 67 ہزار 622 کورونا ٹیسٹ کیے جا چکے ہیں۔ این سی اوسی کے مطابق ملک بھر میں کورونا وائرس کے مریضوں کی تعداد 5 لاکھ 19 ہزار 291 ہوگئی، صحتیاب ہونے والوں کی تعداد 4 لاکھ 73 ہزار 639 ہے۔این سی او سی کے
مطابق سندھ میں 2 لاکھ 34 ہزار 654، پنجاب ایک لاکھ 49 ہزار 222 کیسز رپورٹ ہوئے ،خیبرپختونخوا 63 ہزار 339، بلوچستان میں 18 ہزار 569 کیس رپورٹ ہوئے ۔ این سی اوسی کے مطابق اسلام آباد 40 ہزار 19، گلگت بلتستان میں 4 ہزار 882 کیسز رپورٹ ہوئے،آزاد کشمیر میں کورونا مریضوں کی تعداد 8 ہزار 606 ہوگئی۔
