اسلام آباد(آن لائن) وزیراعظم عمران خان کے سابق معاون خصوصی ندیم افضل چن نے ٹوئٹر پر اپنے نام سے منسوب تمام جعلی اکاؤنٹس کے حوالے سے ٹوئٹ کردیا۔انہوں نے اپنے ٹوئٹر اکاؤنٹ پر جاری ٹوئٹ میں اپنے اصل ٹوئٹر اکاؤنٹ کی تصدیق کرتے ہوئے کہا کہ ‘میرا یہ ٹوئٹر

اکاؤنٹ ہے، باقی سب جعلی ہیں۔’ندیم افضل چن نے اپنے نام سے منسوب تمام اکاؤنٹس کو جعلی قرار دیتے ہوئے اپنے واحد اور اصل اکاؤنٹ کی تصدیق کی تاکہ انہیں چاہنے والے اصل اکاؤنٹ تک باآسانی رسائی حاصل کرسکیں اور دوسرے اکاؤنٹ فالو کرنے سے خبردار رہیں۔ندیم افضل چن نے اپنے مستعفی ہونے سے متعلق تو کوئی ٹوئٹ نہیں کیا تاہم استعفیٰ ٰکی خبروں کے بعد سے صارفین کی نظر ندیم افضل چن پر ہی لگی ہوئی تھی۔دوسری جانب وفاقی وزیرسائنس وٹیکنالوجی فواد چوہدری نے کہا ہے کہ ندیم افضل چن بہترین سیاستدان ہیں لیکن انہوں نے استعفیٰ جذبات میں دیا، امید ہے وہ ستعفیٰ واپس لیں گے۔ نجی ٹی وی سے گفتگو کرتے ہوئے ان کا کہنا تھا کہ ہر آدمی اپنے خیالات کا اظہار کرتا ہے۔ ندیم افضل چن سیدھے سادھے انسان ہیں، وزیراعظم کیساتھ کام کرنے والوں کو کوئی شکوہ نہیں ہے۔ ہماری حکومت میں بہت سارے مسائل ہیں۔عمران خان نے کابینہ کواجتماعی طور پر کہا تھا کہ’جب متفقہ فیصلہ ہوجاتا ہے تو پھر تنقید نہ کیا کریں ۔