لندن(این این آئی) برطانیہ میں کورونا کیسز نئی بلند ترین سطح پر پہنچ گئے، 24 گھنٹوں میں 57 ہزار 725 افراد میں کورونا کی تشخیص اور مزید 445 افراد ہلاک ہو گئے۔میڈیارپورٹس کے مطابق کورونا کی نئی قسم تیزی سے پھیلنے کے سبب طبی ماہرین نے ملک بھر کے اسپتالوں کو الرٹ رہنے کی ہدایت کردی۔رائل کالج آف فزیشنز کے صدر پروفیسر گوڈارڈ نے
انتباہ جاری کیا ہے کہ برطانیہ بھر کے اسپتال تیار رہیں۔پروفیسر گوڈارڈ کا کہنا تھا کہ برطانیہ بھر کے اسپتالوں کو کورونا مریضوں کے دباو کا سامنا ہوسکتا ہے۔برطانیہ میں کی گئی نئی تحقیق میں انکشاف کیا گیا کہ کورونا وائرس کی نئی قسم پہلی قسم کے مقابلے میں تیزی سے پھیل رہی ہے اور تمام عمر کے افراد اس وائرس سے متاثر ہوسکتے ہیں۔
