پشاور(نیوزڈیسک)پسیکو کاایک اورکارنامہ،مسلسل بند بجلی میٹرپر مسلسل ہزاروں بھجوانے کاسلسلہ جاری۔چھ ماہ سے بند بجلی میٹر پر مسلسل ہزارو ں کا بل وصول کرنے والے شہری نے پیسکو کے اعلیٰ حکام سے نوٹس لینے کی اپیل کی ہے ۔ گزشتہ روز پریس کلب میں صحافیوں کو تفصیلات بتاتے ہوئے بیرون یکہ توت محلہ فدا آباد کے رہائشی الطاف حسین نے کہا کہ ان کا مکان گزشتہ چھ ماہ سے خالی جبکہ میٹر بند پڑا ہے تاہم اس کے باوجود ہر ماہ انہیں ہزاروں روپے کا بل بھیج دیا جاتا ہے۔ دفتر سے رجوع کرنے پر انہیں جلی کٹی سائی جاتی ہے انہوں نے پیسکو حکام سے اپیل کی کہ اس صورتحال کا نوٹس لیں اور ان کے مسئلے کو ہنگامی بنیادوں پر حل کریں۔