لاہور/راولپنڈی/گوجرانوالہ/گجرات( این این آئی)پنجاب کرونا وائرس کے بڑھتے کیسز پر مختلف شہروں میں اسمارٹ لاک ڈائون نافذ کردیا گیا ہے،لاک ڈان کا نفاذ 31 دسمبر 2020 تک رہے گا۔پنجاب کے محکمہ پرائمری اور سیکنڈری ہیلتھ کیئر کی جانب سے صوبے بھر میں کرونا وائرس کے بڑھتے کیسز کے باعث لاہور کے 22،راولپنڈیکے 9 علاقوں میں اسمارٹ لاک ڈائون نافذ کردیا گیا ہے۔
گوجرانوالہ کے 4، گجرات کے 3 علاقوں میں بھی اسمارٹ لاک ڈائون لگایا گیا ہے۔ لاہور میں علامہ اقبال ٹائون نشتر بلاک،ستلج بلاک،مسلم ٹائون وحدت روڈ،لاہورکینٹ گلدشت ٹان کے علاقوں میں اسمارٹ لاک ڈائون نافذ رہے گا۔ریوازگارڈن،لاہورمیڈیکل ہائوسنگ اسکیم،ڈیفنس فیز1 اور 2 کی مختلف گلیوں کوبھی اسمارٹ لاک ڈائو ن کے دوران بندرکھا جائے گا۔عسکری 10، کیولری گرانڈ، آفیسرکالونی،گرین ٹائون،ٹائون شپ،خیابانِ امین، جوہر ٹائون،واپڈا ٹائون کے مختلف مقامات کے اندر مقامات کوبھی بندکردیا گیا ہے۔راولپنڈی میں مسلم ٹائون، بوسٹن روڈ، مورگاہ روڈ، ائیرپورٹ ہائوسنگ سوسائٹی میں اسمارٹ لاک ڈائون لگایا گیا ہے۔گوجرانوالہ اسلامیہ کالج روڈ، سیٹیلائٹ ٹائون، چک لدھے والا، شریف فارم راہوالی میں بھی اسمارٹ لاک ڈائون کا نفاذ کیا گیاہے۔گجرات کا علاقہ چک ملک پور چھرا میں بڑھتے ہوئے کرونا کیسز کے پیش نظر بند کر دیا گیا ہے۔لاک ڈائون کے دوران ایس او پیز پر سختی سے عمل درآمد کا حکم دیا گیا ہے، جبکہ اس دوران ان علاقوں کے خارجی اور داخلی راستوں کو بھی مکمل سیل رکھا جائے گا۔ کسی کو ان علاقوں میں آنے اور جانے کی اجازت نہیں ہوگی۔متاثرہ علاقوں میں ادویات کے اسٹورز، جنرل اسٹور، تندور اور ایمرجنسی سروس کی دکانیں کھلی رہیں گی جن کے اوقات کاری جاری کر دئیے گئے ہیں۔
