اسلام آباد (مانیٹرنگ ڈیسک) معروف اداکارہ نادیہ خان کی دوسری شادی کی تقریبات جاری ہیں، ان کی شادی ائیرفورس کے پائلٹ سے ہو رہی ہے، نادیہ خان ورسٹائل اداکارہ ہیں اور ان کا مارننگ شو کرنے میں کوئی ثانی نہیں۔ واضح رہے کہ گزشتہ ہفتے
پاکستانی معروف ٹی وی میزبان اور اداکارہ نادیہ خان کی مبینہ طورپر منگنی کی خبر سامنے آئی تھی ۔ذرائع نے بتایا تھا کہ معروف ٹی وی اداکارہ کے منگیتر اور ہونیوالے دولہا ایئرفورس میں پائلٹ ہے اور دونوں آئندہ ہفتوں میں شادی کی منصوبہ بندی کررہے ہیں، نادیہ خان شادی کے سلسلے میں اپنی ڈیزائنر دوست سے بھی مل چکی ہیں۔ تاہم اس حوالے سے پاکستانی معروف اداکارہ نادیہ خان کی جانب سے کوئی تصدیق سامنے نہیں آئی اور گزشتہ ہفتے منگنی کے حوالے سے انہوں نے سوشل میڈیا پر کوئی معلومات شیئر نہیں کی ہیں ۔تاہم گزشتہ ہفتے سوشل میڈیا پراداکارہ کی تیسری شادی کےحوالے سے جھوٹی افواہیں گردش کر رہی تھیں ۔
