گلگت (این این آئی) انسداد دہشت گردی عدالت نے گلگت بلتستان کے ضلع شگر میں معذور خاتون کو اجتماعی طور پر آبرو ریزی کا نشانہ بنانے والے 3 مجرمان کو سزائے موت اور 10، 10 لاکھ روپے جرمانے کی سزا سنادی۔عدالتی فیصلے کے مطابق
مجرمان 7 ماہ تک بول چال کی صلاحیت سے محروم خاتون کوافسوسناک عمل کا نشانہ بناتے رہے۔خاتون کے حاملہ ہونے پر راز افشاء ہوا جس پر پولیس نے تحقیقات کی اور 4 ملزمان کو گرفتار کر لیا۔ملزمان کے خلاف انسداد دہشت گری ایکٹ کے تحت مقدمہ درج کر کے 20 نومبر 2020 کو کیس خصوصی عدالت میں دائر کیا گیا۔عدالت نے روزانہ کی سماعت کے بعد 3 ملزمان کو جرم ثابت ہونے پر سزائے موت اور 10، 10 لاکھ جرمانے کی سزائیں سنا دی، جبکہ ایک ملزم کو عدم شواہد پر بری کر دیا گیا۔عدالت سے سزا پانے والے تینوں مجرمان کی عمریں 18 سے 24 سال کے درمیان ہیں۔
