کراچی (نیوز ڈیسک)ودہولڈنگ ٹیکس کے خلاف آل کراچی موٹر ڈیلرز ایسوسی ایشن کی اپیل پر منگل کو کراچی کے موٹرڈیلرز نے ہڑتال کی ۔خالد بن ولید روڈ ،نیو ایم اے جناح روڈ اور پرانی سبزی منڈی میں واقع گاڑیوں کے 650شورومز بند رہے ۔تفصیلات کے مطابق ودہولڈنگ ٹیکس کے نفاذ کے خلاف آل کراچی موٹرڈیلرز ایسوسی ایشن کی اپیل پر شہر کے تمام شورومز بند رہے ۔خالد بن ولید رود ،نیو ایم اے جناح روڈ اور پرانی سبزی منڈی پر واقع گاڑیوں کے تمام شورومز منگل کو بند رہے ۔صدر آل کراچی موٹرڈیلرز ایسوسی ایشن کا کہنا ہے کہ 10لاکھ روپے کی گاڑی کی خریداری پر 6ہزار روپے ٹیکس دیں گے تو کمیشن کیا کھائیں گے ۔حکومت سے اپیل ہے کہ فوری طور پر اس غیر منصفانہ ٹیکس کو واپس لیا جائے بصورت دیگر احتجاج کا دائرہ مزید وسیع کردیا جائے گا ۔