اسلام آباد (این این آئی) جہانگیر ترین کے بیٹے علی ترین آصفہ بھٹو کی تعریف کیے بنا نہ رہ سکے اور کہاہے کہ سیاسی اختلافات اپنی جگہ لیکن آصفہ بھٹو بہت اچھی ہیں۔علی ترین نے سماجی رابطے کی ویب سائٹ ٹوئٹر

پر ایک ٹوئٹ کی اورکہا کہ سیاسی اختلافات اپنی جگہ لیکن آصفہ بھٹو بہت اچھی ہیں۔علی ترین کے آصفہ بھٹو سے متعلق کیے گئے ٹوئٹ پر ٹوئٹر صارفین نے دلچسپ تبصرے بھی کیے۔ایک صارف نے کہا کہ ہم علی ترین کو پاکستان پیپلز پارٹی جوائن کرنے پر خوش آمدید کہتے ہیں۔واضح رہے کہ گزشتہ روز ملتان آصفہ بھٹو زرداری نے پہلی بار کسی بڑے جلسہ عام سے خطاب کیا تھا۔دریں اثنا سینئر قانون دان فاروق ایچ نائیک نے کہاہے کہ ملتان میں آصفہ بھٹو کی زبردست انٹری ہوئی ہے۔ میڈیا سے گفتگو کرتے ہوئے فاروق ایچ نائیک نے کہاکہ ملتان میں آصفہ بھٹو کی زبردست انٹری ہوئی ہے، آصفہ بھٹو نے ملتان میں بہت اچھی تقریر کی۔ فاروق ایچ نائیک نے کہاکہ بلاول اور آصفہ دونوں ہی بینظیر کے وارث ہیں، اللہ پاک دونو بہن بھائیوں کو زندگی دے اور ملک کی خدمت کا موقع دے۔

موضوعات:علی ترین