کراچی (آئی این پی )وفاقی حکومت نے سمندری حدود میں ملکی سیکورٹی اور سالمیت سے متعلق ʼمیری ٹائم زونز ایکٹ 2020ʼ کی منظوری دے دی۔نجی ٹی وی کی رپورٹ میں دستاویز کا حوالہ دیتے ہوئے کہاگیا کہ میری ٹائم زونز ایکٹ 2020 کے تحت غیر ملکی جنگی اور ایٹمی بحری جہازوں کے پاکستانی حدودمیں داخلے کے لیے پیشگی اجازت لازم قرار دی گئی

ہے اور آئندہ سے غیر ملکی سب میرینز اور دیگر واٹر وہیکلز کا داخلہ بھی وفاقی حکومت کی پیشگی اجازت سے ہوگا۔نئے ایکٹ کے مطابق پاکستانی حدود میں پاکستان کے دفاع سے متعلق معلومات اکھٹی کرنے اور اسلحے کے استعمال پربھی کارروائی ہوگی، اس کے علاوہ کرنسی، افراد کی لوڈنگ، ان لوڈنگ، ریسرچ اور سروے پر بھی پابندی عائد کردی گئی ہے۔