اسلام آباد( آن لائن)گلگت بلتستان میں تحریک انصاف کی حکومت سازی کی جانب اہم پیش رفت ،آزاد امیدواروں کی تحریک انصاف میں شمولیت کا باضابطہ آغاز ہو گیا ۔اجی بی ایل اے 9 سکردو 3 سے منتخب آزاد امیدور وزیر سیلم کی چیف آرگنائزر سیف اللہ خان نیازی سے ملاقات کی ۔
اور پاکستان تحریک انصاف میں شمولیت کا باضابطہ اعلان کیا ۔وزیر امور کشمیر علی امین گنڈا پور، گورنر گلگت بلتستان راجہ جلال مقپون اور سینئر مرکزی نائب صدر ارشد داد بھی اس موقع پر موجود تھے ۔چیف آرگنائزر پاکستان تحریک انصاف سیف اللہ خان نیازی کاکہنا تھ کہ اسکردو سے منتخب آزاد امیدوار وزیر سلیم کی شمولیت کا بھرپور خیر مقدم کرتے ہیں۔ گلگت بلتستان کے باشعور عوام نے ریاست مخالف بیانیے کو دفن کردیا ہے۔ سیف اللہ خان نیازی نے کہا گلگت بلتستان کی تاریخ کے پرامن اور شفاف انتخابات میں رائے دھندگان نے اپنے ووٹ کا حق استعمال کیا ، تحریک انصاف اور اسکے اتحادیوں پر بھرپور اظہارِ اعتماد پر گلگت بلتستان کے عوام کے شکرگزار ہیں۔ انہوں نے کہا مضبوط حکومت کی تشکیل کی جانب بڑھ رہے ہیں۔ حکومت سازی کے بعد پوری توجہ گلگت بلتستان کی تعمیر و فلاح پر مرکوز کریں گے ۔ انہوں نے کہا وزیراعظم عمران خان کے ویژن کی روشنی میں گلگت بلتستان کو غیر معمولی ترقی سے ہمکنار کریں گے۔
