اسلام آباد(نیوزڈیسک)اسٹیٹ بینک نے سپریم کورٹ کے حکم پر تمام بینکوں سے ملکی و غیر ملکی این جی اوز کے اکاؤنٹس کی تفصیلات طلب کر لی ہیں۔ذرائع کے مطابق سٹیٹ بینک نے سپریم کورٹ کی ہدایات پر عمل کرتے ہوئے تمام بینکوں سے ملکی و بین الاقوامی این جی اوز کے اکاؤنٹس کی تفصیلات طلب کر لی ہیں۔ مرکزی بینک نے تمام بینکوں کو ہدایات جاری کی ہیں کہ این جی اوز کی ملکی و غیر ملکی فنڈنگ کی تمام تفصیلات فراہم کی جائیں۔واضح رہے کہ این جی اوز کی رجسٹریشن کے حوالے سے کسی سپریم کورٹ میں زیر سماعت ہے اور عدالت نے حکومت کی جانب سے این جی اوز کی رجسٹریشن کے حوالے سے اقدامات نہ کرنے پر سخت برہمی کا اظہار کیا ہے