سان تیاگو (نیوز ڈیسک) کوپا امریکہ فائنل میچ کے بعد تقریب انعامات کی ایک ویڈیو سے ایسا معلوم ہوتا ہے کہ ارجنٹائنی فٹبالر لیونل میسی نے ٹورنامنٹ کے بہترین کھلاڑی کا ایوارڈ وصول کرنے سے انکار کردیا تھا جس کے بعد یہ ایوارڈ سٹیج سے ہٹا لیا گیا۔ ارجنٹائنی میڈیا نے ان خبروں کی تصدیق کی ہے اور کہا ہے کہ میسی کوپا امریکہ میں ارجنٹائن کی ناکامی پر شدید افسردہ تھے اور اسی لئے انہوں نے ایوارڈ لینے سے انکار کیا۔ واضح رہے کہ اس ٹورنامنٹ میں لیونل میسی کی کارکردگی بہت بری رہی تھی۔ پورے ٹورنامنٹ کے دوران وہ ارجنٹائن کے چھ میں سے ایک بھی میچ میں اوپن پلے کے دوران ایک بھی گول نہ کرسکے۔ فائنل سے قبل مقابلوں میں ان کا واحد گول پنالٹی شوٹ آو¿ٹ پر پیراگوئے کے خلاف تھا۔ یہ میچ بھی ارجنٹائن نے جیتانہیں بلکہ دو دو سے ڈرا ہوا تھا۔ میسی کو ان کی ارجنٹائن کے ہمراہ پرفامنس کے سبب ہمیشہ ہی تنقید کا نشانہ بنایا جاتا ہے۔