اسلام آباد(آن لائن ) وزیراعظم عمران خان کے معاون خصوصی ندیم افضل چن نے کورونا وائرس سے ایک بار پھر خبردار کردیا ،کورونا وائرس کی دوسری لہر میں بھی اپنے روایتی اسٹائل میں عالمی وبا سے بچاؤ کی احتیاطی تدابیر اختیار کرنے کا کہہ دیا۔انہوں نے اپنے حالیہ سوشل میڈیا پیغام میں لکھا کہ ’مختاریا انہاں نوں سمجھا، کورونا دوبارہ آ گیا ای۔‘ (مختاریاں انہیں سمجھاؤ، کورونا وائرس
دوبارہ آ گیا ہے۔)۔یاد رہے کہ عالمی وبا کورونا وائرس کے پاکستان میں آنے اور کورونا سے بچاؤ کے لیے لگائے گئے لاک ڈاؤن کے آغاز میں ندیم افضل چن کی مبینہ آڈیو کال وائرل ہوئی تھی۔آڈیو کال میں وہ کسی’مختاریا‘ سے مخاطب ہیں اور کورونا کی ممکنہ صورتحال سے مقامی انداز میں آگاہ کرتے ہوئے کہہ رہے ہیں کہ بات بہت بڑھ گئی ہے ، گھر پر بیٹھو اور احتیاطی تدابیر اختیار کرو۔
