لاہور( این این آئی )مسلم لیگ(ن)پنجاب کی ترجمان عظمی بخاری نے کہاہے کہ فردوس چاچی آپ کی فطرت میں ہی بیوفائی شامل ہے،پہلے آپ وفاق سے رسوا ہوکے نکلی تھیںاب پنجاب سے رسوائی ملنے والی ہے ۔ اپنے بیان میں انہوں نے کہا کہ

فردوس چاچی ہم اپنے قائد کے بیانیے کے ساتھ کھڑے ہیں اور آپ اپنے نوکری پکی کررہی ہیں،جس طرح کی آپ ذلت آمیز نوکری کررہی ہیں اس سے بہتر آپ بھی کوئی لنگر خانہ کھول لیں،ووٹ چور اور بوٹ پالش کرنے والوں کے منہ سے ووٹ کے تقدس کی باتیں نامناسب ہیں۔ انہوںنے کہا کہ نوازشریف اور مریم نواز 22کروڑ پاکستانیوں کے حقوق کی جنگ لڑ رہے ہیں،عمران خان اپنی اے ٹی ایم اور فنانسر زکے حقوق کے جنگ لڑ رہے ہیں،غریب عوم مہنگائی کے چکی میں پس رہے ہیں اور سلیکٹڈ کو اپوزیشن کے فکر پڑی ہے ،فردوس چاچی یہ ایک لیڈر اور سلیکٹڈ میں فرق ہے ۔انہوں نے کہا کہ حکومتی ترجمانوں کے بیانات سے لگ رہا ہے حکومت خطرے میں ہے ،ایک پیج کا شور مچانے والے آج اپنے اپنے صفحے تلاش کررہے ہیں۔

موضوعات:عظمیٰ بخاری