کراچی(نیوز ڈیسک)آڈٹ رپورٹ 2012-13کے مطابق پاکستان اسٹیٹ آئل نے تمام ضابطوں کو بالا طاق رکھ کر پیٹرولیم مصنوعات پر 1ارب 27کروڑ روپے کا ڈسکاﺅنٹ دیا ، مینجمنٹ کی غفلت کے باعث 9 کروڑ 20لاکھ روپے زر تلافی کی مد میں ادا کرنا پڑے۔پی ایس او کی آڈٹ رپورٹ 2012-13 کے مطابق پاکستان اسٹیٹ آئل نے مختلف پیٹرولیم مصنوعات پر ایک ارب 27 کروڑ روپے کا ڈسکانٹ دیا جس میں صرف ہائی سپیڈ ڈیزل پر 1 ارب 15کروڑ روپے کا ڈسکانٹ دے دیا گیا ۔ رپورٹ کے مطابق غیر ضروری تاخیر کے باعث مختلف آئل سپلائرز کو پی ایس او مینجمنٹ نے 9 کروڑ 20 لاکھ کے زرتلافی ادا کیا ۔رپورٹ کے مطابق پی ایس او انتظامیہ نے تمام قواعد کو نظر انداز کرتے ہوئے ایسا ڈپٹی منیجنگ ڈائریکٹر تعینات کیا جس کی عمر 60 سال سے بھی زیادہ تھی جبکہ ڈی ایم ڈی کے سیلری پیکچ کی وزارت پیٹرولیم نے منظوری بھی نہیں دی جس کے باعث پی ایس او کو 2 کروڑ روپے کا نقصان اٹھا نا پڑا ، اسی طرح پالیسی کے خلاف لیگل قونصل کو 50 لاکھ روپے ادا کئے گئے جبکہ پائپ لائن سے تیل چوری ہونے کا پی ایس او کو 60 لاکھ روپے کا نقصان پہنچا۔