لاہور (پ ر )وزیراعلیٰ پنجاب سردار عثمان بزدار نے کہاہے کہ شہریوں کو کورونا سے محفوظ رہنے کے لئے مکمل احتیاط برتنا ہوگی-کورونا کے مریض بھی بڑھ رہے ہیں اور اموات میں بھی اضافہ ہورہاہے-شہری ماسک پہننے کو اپنی عادت بنا لیں –
ہمیں کورونا کے ساتھ جینا اور رہنا سیکھنا ہوگا-وزیراعلیٰ نے کہاکہ شہریوں کی زندگیوں کے تحفظ کے لئے ہر ممکن اقدام اٹھایا ہے اور آئندہ بھی اٹھائیں گے-پہلے کی طرح اب بھی شہریوں کو ایس او پیز پر عمل کر کے ذمہ داری کا مظاہرہ کرنا ہوگا۔
