لاہور(این این آئی)پنجاب حکومت نے دوران کان کنی حادثات کا شکار ہونے والے محنت کشوں کے لیے تاحیات ماہانہ وظیفہ مقرر کر دیا ۔محکمہ معدنیات پنجاب میں کان کنی سے منسلک محنت کشوں کے لیے بڑے ریلیف کا اعلان کر دیا۔ دوران کان کنی حادثات کا شکار ہونے والے
محنت کشوں کے لیے تاحیات ماہانہ وظیفہ مقرر کردیاگیا ہے۔ صوبائی کابینہ کمیٹی برائے مالی امور نے ماہانہ 6ہزار کا وظیفہ مقرر کرنے کی منظوری دے دی۔ صوبائی سیکریٹری معدنیات کا اس موقع پر کہنا تھا کہ حادثات کا شکار کان کنان کیلئے اس تاحیات وظیفہ کی منظوری دن رات کی کاوشوں کا ثمر ہے۔
