اسلا م آباد ( آن لائن )رومانیہ میں تیارکردہ پاک بحریہ کے جہاز پی این ایس تبوک نے پاک بحریہ میں شمولیت اختیار کر لی ۔ جہاز کی شمولیت سے سمندری امور کے تحفظ کیلئے پاک بحریہ کی صلاحیتوں میں مزید اضافہ ہوگا۔ترجمان پاک بحریہ کے مطابق پی این ایس تبوک کی
کمشننگ تقریب رومانیہ میں منعقد ہوئی جس میں پاکستانی حکام اور ڈامن شپ یارڈ کی انتظامیہ نے شرکت کی ۔جہاز کے کمانڈنگ آفیسر نے اس جہاز کی تیاری پر ڈامن شپ یارڈ کے تعاون اور پیشہ وارانہ صلاحیتوں کی تعریف کی۔ ترجمان پاک بحریہ کے مطابق رومانیہ میں تیار کر دہ پی این ایس تبوک جدید آلات اور ٹیکنالوجی سے لیس ہے ،پی این ایس تبوک متعدد نیول آپریشنز سر انجام دینے اور ہیلی کاپٹر اور ڈرون لے جانے کی صلاحیت رکھتا ہے ،وزارت دفاعی پیداوار اور ڈامن شپ یارڈ کے درمیان پاک بحریہ کیلئے دو جہازوں کی تیاری کا معاہدہ طے پایا تھا،اسی طرز کا پہلا جہاز پی این ایس یرموک پہلے ہی پاک بحریہ میں شامل ہوچکا ہے۔ ترجمان پاک بحریہ کے مطابق پاکستانی بحری بیڑے میں اس نے جہاز کی شمولیت سے سمندری امور کے تحفظ کیلئے پاک بحریہ کی صلاحیتوں میں مزید اضافہ ہوگا۔
