لاہور(این این آئی)کسٹمز انٹیلی جنس نے حمزہ ٹائون میں بڑی کارروائی کرکے چینی باشندے کے گودام سے11کروڑ 70لاکھ روپے مالیت کے سمگل شدہ جوتے برآمد کرلئے۔گودام سے چینی ساختہ جوتوں کے 2لاکھ 90ہزار جوڑے برآمد کئے گئے ہیں۔ کسٹمز انٹیلی جنس حکام کے مطابق گودام

سے برآمد ہونے والے واٹرفش برینڈ کے غیر ملکی ساختہ جوتوں کی مالیت 11کروڑ 70لاکھ روپے سے زائد ہے،جوتوں پر کسٹمز ڈیوٹی کی مد میں کثیر رقم واجب الادا ہے۔۔کسٹمز انٹیلی جنس حکام کے مطابق چینی باشندے رابطہ کر کے جوتوں کے حوالے سے تحقیقات شروع کردی ہیں۔